கோயில் சுவற்றில் போஸ்டர் "நாம் தமிழர்' நிர்வாகி கைது

மதுரை:மதுரையில் கோயில் சுவற்றில் போஸ்டர் ஒட்டியதை தட்டிக்கேட்ட நிர்வாகியை தாக்கிய "நாம் தமிழர்' பொறுப்பாளர் கைது செய்யப்பட்டார்.தமிழக மீனவர்களை இலங்கை கடற்படையினர் கொன்றதை கண்டித்து, நாம் தமிழர் அமைப்பின் ஆனையூர் பொறுப்பாளர் காந்தி (36), அப்பகுதியில் போஸ்டர் ஒட்டினார். கூடல்புதூர் பொதிகை மாரியம்மன் கோயில் தெற்கு பகுதி சுவற்றிலும் போஸ்டர் ஒட்டப்பட்டது. கோயில் நிர்வாகி கருப்பையா (63), காந்தியின் தந்தை கோட்டைசாமியிடம் புகார் கூறினார். கொதிப்படைந்த காந்தி, நேற்று முன்தினம் கற்களால் கருப்பையாவை தாக்கினார். கருப்பையா புகார்படி, காந்தியை கூடல்புதூர் போலீஸ் இன்ஸ்பெக்டர் ஜெயக்கொடி கைது செய்தார்.

Courtesy :http://www.dinamalar.com/district_detail.asp?id=176440

அழகர்கோயில் சாலையில் விபத்துக்கள் அதிகரிப்பு 2 நாளில் போலீஸ் உட்பட நால்வர் பலி

அழகர்கோவில்:அழகர்கோவில் ரோட்டில் வாகனங்களை அதிவேகமாக ஓட்டுவதால் தொடர் விபத்துக்கள் ஏற்படுகிறது. கடந்த இரண்டு நாட்களில் மட்டும் மூன்று விபத்துக்களில் போலீஸ், கல்லூரி மாணவி, மாணவர் உட்பட நான்கு பேர் பலியாயினர். மதுரை அருகே அழகர்கோவில் மலையின் அடிவாரத்தில் பெருமாள் கோயிலும்,மலை மீது சோலைமலை முருகன் கோயில் மற்றும் நூபுரகங்கை தீர்த்தம் உள்ளது.இங்கு சுவாமி கும்பிடவும், சுற்றுலா பயணிகளும் பல்வேறு பகுதிகளில் இருந்துதினமும் ஏராளமானோர் வருகின்றனர். மலைப்பாதையில் காதலர்கள் திரிவதை பார்க்க முடிகிறது. இதனால் இந்த ரோட்டில் எப்போதும் போக்குவரத்து அதிகமாக உள்ளது.ஒரு வழிப் பாதையாக இருந்த இந்த ரோடு ஐந்து ஆண்டுகளுக்கு முன்இருவழிப் பாதையாக மாற்றப்பட்டது. கனரக வாகனங்கள், கார்கள் அதிவேகமாக செல்கின்றன. டூவீலர்களில் செல்பவர்களும் தங்களால் முடிந்தளவு வேகமாகசென்று விபத்தில் சிக்குவது வழக்கமாக உள்ளது. அதுவும் காதல் ஜோடிகள் செல்லும் வேகத்திற்கு அளவே இல்லை.
2 நாளில் 4 பேர் பலி:அப்பன்திருப்பதி - கள்ளந்திரி ரோட்டில் கடந்த இரண்டு நாட்களில் நடந்தமூன்று விபத்துக்களில் போலீஸ், கல்லூரி மாணவி, மாணவர் உட்பட நான்கு பேர் பலியாகி உள்ளனர். சுந்தரராஜன்பட்டியை சேர்ந்த சகருப்பையா மகன் சசசிகுமார் (25). இவர், எலெக்ட்ரிக்கல் கடை உரிமையாளர். நேற்று முன்தினம் காலைஸ்பிளெண்டர் பிளஸ் டூவீலரில் (ஹெல்மெட் அணியவில்லை) அரும்பனூர் விலக்குஅருகே செல்லும்போது, எதிரில் வந்த இண்டிகா கார் மீது மோதியதில் படுகாயம் அடைந்தார். மருத்துவமனையில் நேற்று இறந்தார்.
அய்யர்பங்களா இ.பி., காலனியை சேர்ந்தவர் கல்லூரி மாணவி ராதிகா (20).இவரும், சென்னை கிரசன்ட் கல்லூரி மாணவர் பிரபுவும் (20) (ஹெல்மெட் அணியவில்லை),ஸ்கூட்டி டூவீலரில் நேற்று முன்தினம் அழகர்கோயில் சென்று விட்டு மாலையில்மதுரை நோக்கி வந்தனர். கள்ளந்திரி பாலம் அருகே பைக் மீது மாருதி ஸ்விப்ட்கார் மோதியது. இதில் இருவரும் பலியாயினர்.
கிடாரிப்பட்டியை சேர்ந்தவர் மணிகண்டன் (25). திருமணமாகி விவாகரத்து ஆனவர்.மதுரை நகர ஆயுதப்படையில் கான்ஸ்டபிள். அவர், மீனாட்சி அம்மன் கோயில்பாதுகாப்பு பணிக்கு அனுப்பப்பட்டார். நேற்று டூட்டி பார்ப்பதற்காக காலைஐந்து மணிக்கு கிடாரிப்பட்டியில் இருந்து ஸ்பிளண்டர் பிளஸ் டூவீலரில்சென்றார். திருவிழான்பட்டி அருகே வந்தபோது, எதிரில் வந்த டவுன் பஸ் (டிஎன்58 என் 1661), டூவீலர் மீது மோதியது. இதில்
மணிகண்டன் பலியானார். டிரைவர் மன்மதனை போலீசார் கைது செய்தனர். கடந்தஜன., முதல் நேற்று வரை விபத்தில் சிக்கிய ஏழு பேர் பலியாகி உள்ளனர். 16 பேர் காயமடைந்துள்ளனர்.
விபத்தை தடுக்கும் வழி:அழகர்கோயில் சாலையில் வேகமாக செல்லும் வாகனங்களால் அடிக்கடிவிபத்து ஏற்படுவது வழக்கமாகி விட்டது. கள்ளந்திரி கால்வாய் இருபுறமும் வேகத்தடை அமைக்க வேண்டும். காதலர்கள் தங்களின் புகலிடமாகஅழகர்கோயில் மலையை மாற்றியுள்ளனர். இங்கு சுற்றித்திரியும் காதலர்களை அவரவர் பெற்றோரிடம் ஒப்படைத்து எச்சரிக்கை விடுக்க வேண்டும். வேகமாக செல்லும் வாகனங்களை மடக்கி அபராதம் விதிக்க வேண்டும். சாலையோரம் மேய்ச்சலுக்கு கால்நடைகளை திரிய விடுவோர் மீது நடவடிக்கை எடுக்க வேண்டும். அழகர்கோயில்மலைப்பகுதியில் கூடுதல் போலீசார் நியமிக்க வேண்டும். மலைப்பகுதியில்30 கி.மீ., வேகத்திற்கு மேல் செல்லும் வாகனங்களை போலீசார் பறிமுதல்செய்ய வேண்டும்.

Courtesy : http://www.dinamalar.com/district_detail.asp?id=176439

மதுரை மீனாட்சி அம்மன் கோயிலில் பாதுகாப்பு கேள்விக்குறி

 Summer at Willow Lake   The King Is Dead
மதுரை:மதுரை மீனாட்சி அம்மன் கோயிலில், போலீஸ் பற்றாக்குறை இருப்பதால், பாதுகாப்பு கேள்விக்குறியாகி உள்ளது. மத்திய உளவுப்பிரிவு அறிவுரைபடி, கோயில் உள்பிரகாரங்களில் போதுமான பாதுகாப்பு ஏற்பாடுகளை செய்தால் மட்டுமே, பயங்கரவாதிகளிடமிருந்து பாதுகாக்க முடியும். இதைகருத்திற்கொண்டு,அங்கு போதுமான போலீசாரை நியமிக்க உயர் அதிகாரிகள் நடவடிக்கை எடுக்க வேண்டும்.இக்கோயிலுக்கு அடிக்கடி வெடிகுண்டு மிரட்டலும், பயங்கரவாத அச்சுறுத்தலும் வருகிறது. தற்போது பாதுகாப்பு பலப்படுத்தப்பட்டிருந்தாலும், "அது போதாது' என்கிறது மத்திய உளவுத்துறை. கோயிலில் என்னென்ன பாதுகாப்பு ஏற்பாடுகள் செய்ய வேண்டும் என்று மாதந்தோறும் அறிவுரை வழங்குகிறது. இதை உள்ளூர் போலீசார் செயல்படுத்துகிறார்களா என்று மாநில நுண்ணறிவு பிரிவு மற்றும் மத்திய உளவுத் துறை அதிகாரிகளும் ஆய்வு செய்கின்றனர்.

தற்போது போலீஸ் பற்றாக்குறையால் பாதுகாப்பு கேள்விக்குறியாகிறது. கடந்த 1995ல் அம்மன் சன்னதி இரண்டாம் பிரகாரத்தில் குண்டு வெடித்தது. இதைதொடர்ந்து, காலையில் 28 போலீசாரும், மாலையில் 28 போலீசாரும் சுழற்சி முறையில், கோயிலின் அனைத்து பகுதிகளிலும் பாதுகாப்பு பணியில் ஈடுபட்டனர். தற்போது இந்த எண்ணிக்கை பத்திற்கும் கீழாக குறைந்து விட்டதால், உள்பிரகாரங்களில் போலீசாரை பார்ப்பதே அரிதாக உள்ளது. இதற்கு பதில், மத்திய அதிரடிப்படை வீரர்களை சுழற்சி முறையில் பாது காப்பு பணியில் ஈடுபடுத்தினால் மட்டுமே கோயிலை முழுமையாக பாதுகாக்க முடியும். போலீசார் கூறியதாவது : தற்போது ஆயுதப்படை போலீசாருக்கு வருடாந்திர கவாத்து பயிற்சி நடப்பதால், அவர்களது பணியையும் உள்ளூர் போலீசாரே செய்ய வேண்டியுள்ளது. இதனால்தான் பற்றாக்குறை ஏற்பட்டுள்ளது. மத்திய உளவுத்துறை அறிவுறுத்தல்படி, கோயிலில் 225 போலீசார் பாதுகாப்பு பணியில் ஈடுபட வேண்டும். இதை செயல்படுத்த தமிழக அரசும் தயாராக இருக்கிறது. பற்றாக்குறையை சமாளிக்க, ஆறாவது சிறப்பு பட்டாலியன் பிரிவில் கவாத்து பயிற்சிகளை மட்டுமே செய்து கொண்டி ருக்கும் போலீசாரை, பாதுகாப்பு பணியில் ஈடுபடுத்தலாம்.

இதுகுறித்து உயர் அதிகாரிகள் தான் முடிவு செய்ய வேண்டும், என்றனர்.போலீஸ் அதிகாரி ஒருவர் கூறுகையில், ""போலீஸ் ஸ்டேஷன்கள் அனைத்தும் "ஹெவி, மீடியம், லைட்' என்று தரம் பிரிக்கப்பட்டுள்ளது. தரத்திற்கேற்ப போதுமான போலீசார் நியமிக்கப்படுவர். மீனாட்சி கோயில் ஸ்டேஷன் "ஹெவி' தரத்தின்கீழ் வருவதால், ஆள் பற்றாக்குறை என்பது இனி இருக்காது,'' என்றார். ஆள் பற்றாக்குறையை காரணம் காட்டி, புராதன சின்னமாக, உலக அதிசயங்களில் ஒன்றாக இருக்கும் மீனாட்சி அம்மன் கோயிலின் பாதுகாப்பை கேள்விக்குறியாக்குவது நியாயமா? அதிகாரிகள் சிந்திப்பார்களா?

The Adventures of Sherlock Holmes

Courtesy : http://www.dinamalar.com/district_detail.asp?id=174763

மதுரையில் குடியரசு தினம் கோலாகலமாக கொண்டாட்டம்

மதுரை:மதுரையில் 62வது குடியரசு தினவிழா நேற்று கோலாகலமாக கொண்டாடப்பட்டது.ஆயுதப்படை மைதானத்தில் கலெக்டர் காமராஜ் கொடியேற்றி, அணிவகுப்பு மரியாதையை ஏற்றுக்கொண்டார். அரசு துறைகள் சார்பில் 58 பயனாளிகளுக்கு 14 லட்சம் ரூபாய் மதிப்புள்ள நலத்திட்ட உதவிகளை வழங்கினார். போலீசார் 25 பேருக்கு தமிழக முதல்வரின் பதக்கங்களை வழங்கினார். தியாகிகள் கவுரவிக்கப்பட்டனர்.மாவட்ட எஸ்.பி., மனோகர், போலீஸ் துணை கமிஷனர் ராஜேந்திரன், மாநகராட்சி துணை கமிஷனர் தர்ப்பகராஜ், ஊரகவளர்ச்சித் துறை திட்டஅதிகாரி சாமுவேல் இன்பதுரை, மாவட்ட வழங்கல் துறை அதிகாரி முருகையா, ஆர்.டி.ஓ., சுகுமாறன், கலெக்டரின் நேர்முக உதவியாளர் மோகன்தாஸ், பி.ஆர்.ஓ., அண்ணா, ஏ.பி.ஆர்.ஓ.,க்கள் சாலிதளபதி, கதிரவன், மாற்றுத்திறனாளிகள் துறை அலுவலர் கனகராஜ், தாசில்தார்கள் கமலசேகரன், பாஸ்கரன், போலீஸ் உதவிகமிஷனர்கள் கணேசன், மகுடபதி, சுருளிராஜா, அரசு ஆஸ்பத்திரி டீன் சிவக்குமார், ஆர்.எம்.ஓ.,க்கள் பிரகதீஸ்வரன், திருவாய்மொழி பெருமாள் உட்பட 290 பேருக்கு சிறந்த பணிக்கான விருது வழங்கப்பட்டது.நன்மாறன் எம்.எல்.ஏ., தென்மண்டல ஐ.ஜி., கிருஷ்ணமூர்த்தி, போலீஸ் கமிஷனர் பாலசுப்பிரமணியன், டி.ஐ.ஜி.,சந்தீப் மித்தல் பங்கேற்றனர். மாநகராட்சியில் மேயர் தேன்மொழி கொடியேற்றினார்.

கமிஷனர் செபாஸ்டின், துணைமேயர் மன்னன், தலைமை பொறியாளர் சக்திவேல், மண்டல தலைவர்கள், கவுன்சிலர்கள் பங்கேற்றனர். அரசு துறைகள், கட்சிகள், அமைப்புகள் :மதுரை குடிநீர் வடிகால் வாரிய அலுவலகத்தில், மேற்பார்வை பொறியாளர் அகிலன் கொடியேற்றினார். தமிழ்நாடு உணவுப்பொருள் வியாபாரிகள் சங்கத்தில் தலைவர் ஜெயபிரகாசம் கொடியேற்றினார். செயலாளர் வேல்சங்கர், பொருளாளர் கதிர்வேல், துணைத் தலைவர்கள் முனியப்பன், சுபாஷ் சந்திரபோஸ் பங்கேற்றனர். மதுரை 69வது வார்டு காங்., சார்பில் பொட்டக்குளம், பொன்மேனியில் கவுன்சிலர்கள் சிலுவை, சுப்புராம் கொடியேற்றினர். நிர்வாகிகள் காந்தி, குமார், ஈடாடி பங்கேற்றனர். ஜனதா தளம் சார்பில் விளக்குத்தூண் காமராஜர் சிலைக்கு தலைவர் ராஜேந்திரன் தலைமையில் பொதுச் செயலாளர் ஜான்மோசஸ் மாலை அணிவித்தார். சிம்மக்கல் காமகோடி முதியோர் இல்லத்தில், செயலாளர் டாக்டர் ராமசுப்பிரமணியன் தலைமையில், மதுரைக்கல்லூரி இயக்குனர் தேவிபிரசாத் கொடியேற்றினார். மதுரை சிட்டி லயன்ஸ் கிளப் சார்பில், தலைவர் சுப்பிரமணியன் கொடியேற்றினார். செயலாளர்கள் பொன்னுச்சாமி, ரமேஷ் காங்கர், ஏற்பாடு குழுத் தலைவர் சுரேஷ்பாபு பங்கேற்றனர்.

மதுரை பருத்தி விதை, புண்ணாக்கு வியாபாரிகள் சங்கத்தில், செயலாளர் கந்தசாமி, பொருளாளர் ஆபிரகாம்லிங்கன் தலைமையில் தலைவர் ராமநாதன் கொடியேற்றினார். பள்ளி, கல்லூரிகள் :நெல்பேட்டை உமறுபுலவர் மாநகராட்சி பள்ளியில், தலைமையாசிரியை மீனாட்சி தலைமையில் கவுன்சிலர் ராலியா பானு கொடியேற்றினார். வன்னிவேலம்பட்டி அரசு பள்ளியில் பெற்றோர் ஆசிரியர் சங்கத் தலைவர் சுப்புராஜ் தலைமையில், பஞ்., தலைவி சரஸ்வதி கொடியேற்றினார். தலைமையாசிரியர் பாஸ்கரன், துவக்கப்பள்ளி தலைமையாசிரியை சுமதி பங்கேற்றனர். ஆசிரியை அய்யம்மாள் நன்றி கூறினார். வையூர் துவக்கப்பள்ளியில் தலைமையாசிரியர் விஜயபார்த்திபன், டி.கல்லுப்பட்டி வட்டார வளமையத்தில் மேற்பார்வையாளர் முத்தையா கொடியேற்றினர். சவுராஷ்டிரா பள்ளியில் அரசு போக்குவரத்து மேற்கு கோட்ட மேலாளர் முருகேசன் கொடியேற்றினார். தாளாளர் ஏ.கே.ராமமூர்த்தி, தலைமையாசிரியர்கள் சவுந்திரராஜன், மகேஸ்வரி, சவுராஷ்டிரா கவுன்சில் தலைவர் சங்கரன், பொருளாளர் பாண்டுரங்கன் மற்றும் நிர்வாககுழு உறுப்பினர்கள் பங்கேற்றனர். மதுரைக் கல்லூரி மேல்நிலைப்பள்ளியில் தலைமையாசிரியர் செந்தூரன் தலைமையில், ஒருங்கிணைப்பாளர் ராமசுப்பிரமணியன் கொடியேற்றினார்.

உதவி தலைமையாசிரியர்கள் சீனிவாசன், மருதமுத்து பங்கேற்றனர். மதுரை சமூகவியல் கல்லூரியில் தலைவர் ராஜா தலைமையில் வெங்கிடுசாமி கொடியேற்றினார். முதல்வர் நாராயணராஜா, பேராசிரியர்கள் பங்கேற்றனர். சேர்மத்தாய் வாசன் மகளிர் கல்லூரியில்,தலைவர் சிவசுப்பிரமணியன் தலைமையில், டாக்டர் பாஸ்கரராஜன் கொடியேற்றினார். செயலாளர் கரிக்கோல்ராஜ், முதல்வர் கவுசில்யா பங்கேற்றனர். மதுரை சிவகாசி நாடர் பயோனியர் மீனாட்சி மகளிர் கல்லூரியில் தலைவர் சிதம்பரம், சிவகாசி நாடார் மெட்ரிக் பள்ளியில் டாக்டர் ரஜினிபிரேமலதா கொடியேற்றினர். புதூர்: மதுரை மேற்கு ஊராட்சி ஒன்றியத்தில் குடியரசு தினவிழா ஆணையர் லட்சுமி முன்னிலையில் நடந்தது. சேர்மன் கண்ணன் தலைமை வகித்து கொடியேற்றினார். துணைத் தலைவர் சுரேந்திரன், கவுன்சிலர்கள் தண்டீஸ்வரன், மதிவாணன், அய்யாவு, யோகசுந்தரி ஆகியோர் கலந்து கொண்டனர். பள்ளி மாணவர்களின் கலைநிகழ்ச்சிகள் நடத்தப்பட்டு,பரிசுகள் வழங்கப்பட்டன.பள்ளி, கல்லூரிகள் புதூர் கற்பகவிநாயகர் பள்ளியில் குடியரசு தினவிழா நடந்தது. முதல்வர் செந்தில்குமாரி கொடியேற்றினார். மாணவர்கள் கலைநிகழ்ச்சிகள், பிரமிடு சாகசங்களை செய்தனர். விளையாட்டு விழாவில் வெற்றி பெற்ற மாணவர்களுக்கு பரிசுகள் வழங்கப்பட்டன. ஏழாம் வகுப்பு மாணவி ஹர்ஷிணி சாம்பியன் பட்டம் வென்றார். மதுரை யாதவர் கல்வியியல் கல்லூரியில் நடந்த விழாவிற்கு முதல்வர் கணபதி தலைமைவகித்தார். மேற்கு ஒன்றிய சேர்மன் கண்ணன் கொடியேற்றினார். கலை நிகழ்ச்சிகள் நடந்தன. அலுவலர்கள், மாணவர்கள் கலந்து கொண்டனர். உறுப்பினர் ஜெயக்கொடி நன்றி கூறினார். வீரபாண்டி ஊராட்சி ஒன்றிய துவக்கப் பள்ளியில் தலைமை ஆசிரியர் செல்வகுமரேசன் தலைமையில் குடியரசு தினவிழா நடந்தது. ஊராட்சி தலைவர் குணசேகரபாண்டியன் கொடியேற்றினார். மகளிர் சுயஉதவிக் குழுவினர், மாணவர்கள், கிராம கல்விக் குழு உறுப்பினர்கள் கலந்து கொண்டனர்.

Courtesy :http://www.dinamalar.com/district_detail.asp?id=174704

மதுரை சிறை கைதிகள் அடிக்கடி மோதிக் கொள்வதால் அபாயம்

மதுரை : மதுரை சிறையில் கைதிகள் அடிக்கடி மோதலில் ஈடுபடுகின்றனர். இதை முன்கூட்டியே கண்காணித்து, நடவடிக்கை எடுக்க வேண்டிய விழிப்பு மற்றும் உளவுப்பிரிவு(விஜிலென்ஸ்) போலீசார் தூங்குவதால், கலவரம் ஏற்படும் அபாயம் உள்ளது. இச்சிறையில் 2000த்திற்கும் மேற்பட்ட கைதிகள் உள்ளனர். இதில், தண்டனை பெற்ற வெளிமாவட்ட கைதிகளும் அடங்குவர். "யார் பெரியவன்' என்ற "ஈகோ' பிரச்னையால் இவர்களுக்கு இடையே தகராறு ஏற்படுகிறது. ஒவ்வொரு பிரபல ரவுடியின் கீழ், 20 பேர் முதல் 30 பேர் வரை கைதிகள் செயல்படுகின்றனர். இவர்களது அத்துமீறல்களை தட்டிக் கேட்டால் தாக்குதல்தான். தொடரும் மோதல்கள் : கடந்த ஆண்டு மே 8ல் மதுரை தானப்ப முதலி தெருவைச் சேர்ந்த கார்த்திகேயன்(24), திருப்பூரைச் சேர்ந்த ஜெயகாந்தன்(24) தாக்கப்பட்டனர். மே 9ல் குளியல் தொட்டி அருகே, சக கைதிகளிடம் குடிக்க தண்ணீர் கேட்க, இருதரப்பினருக்கும் இடையே மோதல் ஏற்பட்டது. இதில் இருவருக்கு மண்டை உடைந்தது. அதேபோல், பிப்.,25ல் கைதிகள் ராஜா, ஆறுமுகத்திற்கு இடையே புத்தாடை உடுத்துவதில் மோதல் ஏற்பட்டது. ஏப்.,14ல் "தன்னை பற்றிதான் பேசுகிறார்களோ' என்று கைதிகள் ரமேஷ், கென்னடி, மாரிமுத்து ஆகியோர் நினைத்துக் கொண்டு மோதிக் கொண்டனர். மே 4ல் கைதிகள் கீரைத்துரை ரவிசண்முகம், ராமநாதபுரம் கணேஷ்பாபு, நிலக்கோட்டை பாபுராஜ் ஆகியோர் கஞ்சா புகைப்பதில் ஏற்பட்ட தகராறில் மோதிக் கொண்டனர். ஆக.,20ல் தண்டனை கைதிகள் மாரிமுத்து, ரமேஷ் ஆகியோருக்கு இடையே ஓரினசேர்க்கை தொடர்பாக மோதல் ஏற்பட்டது. அது கடந்தாண்டு... இது இந்தாண்டு... : இந்நிலையில், நேற்று முன் தினமும் இரு கைதிகள் மோதிக்கொண்டனர். சிவகங்கை மாவட்டம் கீழபூங்குடியைச் சேர்ந்தவர் வெள்ளகுட்டி. மதகுபட்டி பகுதியில் நடந்த கொலை வழக்கில் "ரிமாண்ட்' செல்லில் உள்ளார். மதுரை ராமராஜபுரத்தைச் சேர்ந்தவர் தனபாண்டியன். தல்லாகுளம் பகுதி திருட்டு வழக்கில் இவரும் "ரிமாண்ட்' செல்லில் உள்ளார். இருவருக்கும் முன்விரோதம் இருக்கிறது. நேற்று முன் தினம், சமையல் கூடத்தில் சாப்பாடு எடுத்து கொண்டிருக்கும் போது இருவருக்கும் வாக்குவாதம் ஏற்பட்டது. ஆத்திரமடைந்த வெள்ளகுட்டி, சாப்பாடு கரண்டியால் தாக்கியதில், தனபாண்டியன் இடது கையில் காயம் ஏற்பட்டது. கை வீங்கிய நிலையில் அரசு ஆஸ்பத்திரியில் சேர்க்கப்பட்டார். காவலர்களும் மீது தாக்குதல் : கைதிகளுக்கு இடையே நடக்கும் மோதலை தடுக்கும் காவலர்களும் தாக்கப்படுகின்றனர். இதற்கு பயந்தே சில காவலர்கள் உயிருக்கு பயந்து கிளை சிறைகளுக்கு இடமாற்றம் கேட்டு செல்கின்றனர். கடந்தாண்டுகூட, ஜூலை 1ல், சக கைதிகளின் உடைமைகளை பறித்து மிரட்டிய, மேலஅனுப்பானடி ஹவுசிங் போர்டு காலனியைச் சேர்ந்த திருமூர்த்தியை விசாரித்த ஏட்டு சலீம்பாட்ஷாவுக்கு மூக்கில் குத்து விழுந்தது.

என்ன செய்கிறது உளவுப்பிரிவு? : சிறையில் நடக்கும் சட்டவிரோத செயல்களையும், எந்தெந்த கைதிகளால் பிரச்னை ஏற்படும் என்பதையும் கண்காணித்து உயர் அதிகாரிகளுக்கு அறிக்கை அனுப்ப ஏற்படுத்தப்பட்டதுதான் விழிப்பு மற்றும் உளவுப்பிரிவு. மதுரை சிறையில் ஒரு எஸ்.ஐ., தலைமையில் இரு போலீசார் பணியில் உள்ளனர். சில மாதங்களுக்கு முன் வரை, பிரச்னைக்குரிய கைதிகள் குறித்து அறிக்கை அனுப்பி, வேறு சிறைகளுக்கு இடமாற்றம் செய்ய இப்பிரிவு போலீசார் நடவடிக்கை எடுத்தனர். ஆனால், தற்போது பெயரளவிற்கு மட்டுமே இயங்குவதால், சின்ன சின்ன விஷயங்களுக்குகூட கைதிகளுக்கு இடையே மோதல் ஏற்பட்டு, அது கலவரமாக மாறும் அபாயம் உள்ளது. இதை தடுக்க சிறை நிர்வாகம் இப்போதே முன்னெச்சரிக்கை நடவடிக்கை எடுக்க வேண்டும்.அதிகாரி சொல்வது என்ன?: சிறை கண்காணிப்பாளர் ராஜேந்திரனிடம் கேட்டபோது, ""மற்ற சிறையை ஒப்பிடும்போது, கைதிகள் மோதல் சம்பவங்கள் மிக குறைவு. சின்ன சின்ன விஷயங்களுக்காக திடீரென்று மோதுகின்றனர். இனியும் இதுபோன்று நடக்காமல் இருக்க, துணை ஜெயிலர், 4 உதவி ஜெயிலர்கள் கூடுதலாக நியமிக்கப்பட்டுள்ளனர். மேலும், கைதிகள் "டென்ஷன்' ஆகாமல் இருக்க யோகா, தியான பயிற்சி வகுப்புகள் நடத்தப்படுகின்றன,'' என்றார்.

Courtesy :http://www.dinamalar.com/district_detail.asp?id=172330

குறைந்த விலையில் காய்கறி மார்க்கெட்: ஜன., 27ல் மதுரையில் திறப்பு

மதுரை : மதுரையில் குறைந்த விலையில் காய்கறி விற்பனை செய்ய 4 தற்காலிக மார்க்கெட்டுகள் ஜன. 27ம் தேதி திறக்கப்பட உள்ளது. தமிழகத்தில் சமீபகாலமாக அனைத்து பொருட்களின் விலைவாசியும் அதிகரித்துள்ளது. காய்கறிகளின் விலையும் இறக்கை கட்டி பறக்கிறது. இது பல குடும்பங்களை நேரடியாக பாதிப்பதால், அவற்றின் விலையை குறைக்க அரசு நடவடிக்கை எடுத்தது. முதல்வர் கருணாநிதி அதிகாரிகளுடன் ஆலோசித்தார். இதையடுத்து சென்னை, கோவை, மதுரை போன்ற முக்கிய மாநகராட்சிகளில் குறைந்த விலையில் காய்கறிகளை விற்பனை செய்யும் மார்க்கெட்டுகளை திறப்பது என முடிவெடுக்கப்பட்டது. கூட்டுறவுத் துறை மூலம் காய்கறிகளை விவசாயிகளிடம் நேரடியாக வாங்கி, வெளிமார்க்கெட் விலையைவிட "கம்மி'யான ரேட்டில் வினியோகிக்கப்பட உள்ளது. மதுரையில் இவ்வகையில் 10 மார்க்கெட்டுகள் துவக்கப்படஉள்ளது. இதற்காக கலெக்டர் காமராஜ், கூட்டுறவுத் துறை இணைப் பதிவாளர் குமார் உட்பட அதிகாரிகள் ஆலோசனை நடத்தினர். முதற்கட்டமாக ஜன. 27ம் தேதி 4 இடங்களில் மார்க்கெட்டுகளை திறக்க முடிவு செய்யப்பட்டது. இதன்படி ஆரப்பாளையம் பகுதியில் ஒரு கல்யாண மண்டபம், மகபூப்பாளையம் பகுதியில் எம்.எல்.ஏ., அலுவலகம், எல்லீஸ்நகரில் வீட்டுவசதி வாரிய குடியிருப்பு புதிய கட்டடத்தில் உள்ள சில கடைகள், ஒத்தக்கடையில் கிழக்கு ஊராட்சி ஒன்றியத்திற்கு சொந்தமான கடையில் இந்த மார்க்கெட்டுகள் தற்காலிகமாக அமைக்கப்பட உள்ளன. இவை விலைவாசி குறையும் வரை செயல்படும். இவற்றின் வெற்றியை பொறுத்து, கூடுதல் கடைகள் திறக்கப்படும். இவையே உழவர்சந்தை போல அமையும் என தெரிகிறது.

Courtesy : http://www.dinamalar.com/district_detail.asp?id=173476

பாலமேடு பகுதியில் மொச்சை விளைச்சல் அமோகம் : கிலோ ரூ. 20க்கு விற்பனை

பாலமேடு : பாலமேடு பகுதியில் கடந்த ஆண்டுகளை விட இந்த ஆண்டு மொச்சை விளைச்சல் அதிகம். பாலமேடு பகுதியில் விளையும் கொய்யா, முருங்கை, மா, சாத்தையாறு அணையில் கிடைக்கும் மீன் என பிற இடங்களில் கிடைப்பதை விட இங்கு ருசி அதிகம். அதே போல மானாவாரியாக பயிரிட்டு பருவ மழையால் வளர்ந்து, பனியில் நனைந்து, பலன் தரும் பாலமேடு மொச்சைக்கு கூடுதல் ருசி உண்டு. மதுரை உட்பட பல இடங்களில் பாலமேடு மொச்சை என கூவி விற்கும் அளவுக்கு தனிமவுசும் உண்டு. கற்கள் நிறைந்த செம்மண் கரிசல் நிலத்தில் விளைந்து பலன் தருவதே இதற்கு காரணம். ஆடிப்பட்டத்தில் விதைத்து தையில் பலன் தரும் மொச்சைக்கு, இந்த ஆண்டு பருவ மழை தவறியதால் விவசாயிகள் கவலையில் ஆழ்ந்தனர். இந்நிலையில் எதிர்பாராத விதமாக தொடர் மழை பெய்தது. இதனால் மானாவாரி பயிர்கள் துளிர் விட்டு விவசாயிகளுக்கு நல்ல பலனை தந்தன. பருவ நிலை மாற்றம் காரணமாக இந்த ஆண்டு கூடுதலாக இரண்டு மாதம் மொச்சை கிடைக்கும் வாய்ப்பை விவசாயிகள் பெற்றுள்ளனர். ஆரம்பத்தில் கிலோ ரூ. 40க்கு விற்ற மொச்சை அதிக விளைச்சல் காரணமாக ரூ, 20 க்கு கிடைக்கிறது. பாலமேடு விவசாயி பெரியசாமி: பாலமேடு மதுரை ரோட்டில் மூன்று ஏக்கர் நிலத்தில் தனி மொச்சையாக பயிரிட்டுள்ளேன். உரிய காலத்தில் மழை பெய்திருந்தால் நல்ல லாபம் கிடைத்திருக்கும். இனி மழை பெய்ய வாய்ப்பில்லை. பனியால் மட்டுமே விளையும் வாய்ப்பு உள்ளது. பனி அதிகம் இருக்க வேண்டும், அதன் மூலம் பலன் பெற வேண்டும்.இதற்கு இயற்கை ஒத்துழைக்க வேண்டும் என கூறினார். வியாபாரி செல்வம்; இந்த ஆண்டு மொச்சை வியாபாரம் ஆரம்பத்தில் நல்ல சூடு பிடித்தது. கிலோ ரூ. 40க்கு விற்கும்போது நல்ல லாபம் இருந்தது. தற்போது விவசாயிகளிடமிருந்து வாங்கிய பொருளை அழிக்க வேண்டும் என்ற கட்டாயத்தில் உள்ளோம் என தெரிவித்தார். வெங்காயம், கத்தரி, தக்காளி, உருளை, என அனைத்து காய் கறிகளும் அதிக விலைக்கு விற்கும் போது, தரமான சுவை மிகுந்த மொச்சை குறைந்த விளைக்கு கிடைப்பது இயற்கையின் வரப்பிரசாதமே.

Courtesy :http://www.dinamalar.com/district_detail.asp?id=173114

Inaguration of Seloor Bridge

மதுரை: மதுரையில் பத்தாண்டு இழுபறிக்கு பின் செல்லூர் - தத்தனேரி மேம்பாலத்தை மத்திய அமைச்சர் மு.க. அழகிரி நேற்று திறந்து வைத்தார்.மதுரை நகரில் போக்குவரத்து நெரிசல் மிக்க சாலைகளில் செல்லூர் - தத்தனேரி சாலை முதலிடம் வகித்தது. மதுரை - சென்னை இடையே முக்கிய ரயில்வே வழித்தடம் தத்தனேரி வழியாக செல்கிறது. இவ்வழித்தடத்தில் தினமும் 70க்கும் மேற்பட்ட ரயில்கள் செல்கிறது.

ரயில்கள் செல்ல "கேட்' அடைக்கும்போது போக்குவரத்து நெரிசல் ஏற்படும். 2001ல் 18 கோடி ரூபாய் மதிப்பில் மேம்பாலம் அமைக்க அரசு ஒப்புதல் வழங்கியது.பாதியில் நின்ற கட்டுமானப்பணி: இதன்படி, 2003ல் சென்னை மாணிக்கம் அண்ட் கம்பெனிக்கு மேம்பாலம் கட்ட ஒப்பந்தம் வழங்கப்பட்டது. கட்டுமானப் பொருட்கள் விலை உயர்வை காரணம் காட்டி மேம்பாலம் கட்ட கூடுதல் தொகையை கேட்டு அக்கம்பெனி ஐகோர்ட்டில் வழக்கு தொடுத்தது. இதனால், மேம்பாலப்பணி 2004ல் நிறுத்தப்பட்டது.

2009ல் கட்டுமானப்பணி துவக்கம்: பின், 2009ல் 29 கோடி ரூபாய் மதிப்பில் வேறு ஒரு கம்பெனியிடம் கட்டுமானப்பணி ஒப்படைக்கப்பட்டது. இதையடுத்து ஓராண்டுக்குள் பாலப்பணிகள் முடிக்கப்பட்டது.மத்திய அமைச்சர் மு.க. அழகிரி நேற்று புதிய பாலத்தை திறந்து வைத்தார். பின், காரில் சென்று பாலத்தை பார்வையிட்டார். அவருடன், கலெக்டர் சி. காமராஜ், நெடுஞ்சாலை கண்காணிப்பு பொறியாளர் ஸ்ரீரங்கன் (திட்டம்), கோட்ட பொறியாளர் கணேசன், ரயில்வே கோட்ட மேலாளர் ஏ.கே. கோயல், கூடுதல் கோட்ட மேலாளர் வெங்கடசுப்பிரமணியன், போலீஸ் கமிஷனர் பாலசுப்பிரமணியன், மாநகராட்சி

கமிஷனர் செபாஸ்டின் உட்பட பலர் சென்றனர்.தத்தனேரியில் இருந்து செல்லூரில் பாலம் முடியும் இடத்தில் மூன்று மாதத்திற்குள் ரவுண்டானா அமையவுள்ளது. விழா முடிந்ததும் பாலத்தில் போக்குவரத்து துவங்கியது.சுரங்கப்பாலம் எப்போது: தத்தனேரி ரயில்வே வழித்தடத்திற்கு கீழ் 40 லட்சம் ரூபாய் மதிப்பில் ரயில்வே சார்பில் சுரங்கப்பாலம் அமைக்கப்பட்டு பல மாதங்கள் ஆகி விட்டன.இதை ஆய்வு செய்த பாதுகாப்பு பிரிவினர், போக்குவரத்திற்கு பயன்படுத்த அனுமதித்தனர். எனினும், சுரங்கப்பாலத்தின் இருபுறமும் இணைப்பு சாலைகளை நெடுஞ்சாலைத்துறையினர் அமைக்கவில்லை. இதனால், சுரங்கப்பாலம் பயன்படாமல் உள்ளது. 

Courtesy :http://www.dinamalar.com/district_detail.asp?id=171384

மதுரையில் 930 போலீசாருக்கு பிப்.,1 முதல் பயிற்சி

மதுரை : சமீபத்தில் புதிதாக தேர்வு செய்யப்பட்ட போலீசாரில் 930 பேருக்கு பிப்.,1 முதல் மதுரையில் ஆறுமாத பயிற்சி அளிக்கப் படுகிறது. தமிழ்நாடு சீருடை பணியாளர் தேர்வாணையம் மூலம், கிரேடு 1 பதவிக்கு தேர்வு செய்யப்பட்டவர்களுக்கு மாநிலம் முழுவதும் பிப்.,1 முதல் ஆறுமாத பயிற்சி துவங்குகிறது. மதுரையில் உள்ள மூன்று பயிற்சி பள்ளிகளில் 930 பேர் பயிற்சி பெறுகின்றனர். டி.எஸ்.பி.,க்கள் மதுரைச்சாமி, ஜான் ஜெயபால், முத்துச் சாமி ஆகியோர் பயிற்சி அளிக்கின்றனர். இதற்காக இவர்களுக்கு சென்னையில் இரண்டு நாள் பயிற்சி அளிக்கப்பட்டது. புதிய போலீசார் முதல் ஐந்து மாதம் அடிப்படை சட்டங்கள் குறித்த பயிற்சியும், ஒருமாதம் களப்பயிற்சியும் பெறுகின்றனர். காலை 6 மணிக்கு கவாத்து பயிற்சியும், 9.30 மணி முதல் மாலை 4 மணி வரை சட்ட வகுப்பும், மாலை 6 மணி வரை மீண்டும் கவாத்து பயிற்சியும் அளிக்கப்படுகிறது.

Courtesy : http://www.dinamalar.com/district_detail.asp?id=171384

HC bench refuses permission to operate bone crushing mills

Jan20(PTI) The Madurai Bench of the MadrasHigh Court has refused to give permission for operating threebone crushing mills in Tenkasi, pending a final decisiontaken by the TNPCB on their applications seeking renewal ofits consent under the Air (Prevention and Control ofPollution) Act,1981 and Water(P and CP) Act,1974.

Buzz up!

Disposing of a batch of writ petitions filed by theproprietors of the mills, a Division Bench, comprising JusticeN Paul Vasanthakumar and Justice R.Subbiah, directed the TamilNadu Pollution Control Board (TNPCB) to pass final orders onthe renewal applications within four weeks.

The petitioners were also ordered to cooperate with theBoard and submit all necessary documents.

Of the three mills in Tenkasi in Tirunelveli district, onewas functioning from 1957,the other from 1986 and the thirdfrom 1998. Each unit was producing 12 to 25 tonnes of crushedbone from raw bones.The consent orders issued to these millsby the PCB had expired in 1998 itself.Yet, they continued tofunction on the strength of the renewal application filed bythem along with the requisite fee paid through demand drafts.

In the meantime,a resident welfare association in thelocality filed a civil suit against the units and a PILwas also filed in the High Court Bench.

Pending adjudication of the PIL petition, the TNPCB orderedclosure of the three units besides snapping the electricityconnection as recommended by the District EnvironmentalEngineer who inspected the units on April 7, 2010. The millswere accused of acting in contravention of the Air (P and CP)Act, 1981. It was found that the units were surrounded byresidential buildings.

An appellate authority of the TNPCB too confirmed theclosure order and hence the present writ petitions. Assailingthe closure order, the petitioners'' counsel contended that theTNPCB ought not to have ordered shutting down of the unitswithout passing any orders on their renewal applications whichwere pending for long.

Partly agreeing with him, the judges said it was not fairon TNPCB''s part to keep the applications pending afterreceiving the requisite fees. But the units could not beallowed to function till the consent orders were renewedbecause the Air Act does not state that permission would bedeemed to have been given if the authorities failed to passnecessary orders within a specific time limit.

Courtesy : http://news.oneindia.in/2011/01/20/hcbench-refuses-permission-to-operate-bone-crushingmills-aid0126.html

MLC 's Voter List

மதுரை : மேலவை வாக்காளர் பட்டியலில் மதுரை மாவட்டத்தில் பட்டதாரி தொகுதியில் 16 ஆயிரத்து 715 பேரும், ஆசிரியர் தொகுதியில் 1555 பேரும் சேர்க்கப்பட்டுள்ளனர்.மேலவை தேர்தல் தமிழ்நாடு தெற்கு மத்திய தொகுதி வரைவு வாக்காளர் பட்டியல் கடந்த நவம்பரில் வெளியிடப்பட்டது. பட்டதாரி தொகுதியில் 22 ஆயிரத்து 970 பேரும், ஆசிரியர் தொகுதியில் 2532 பேரும் இருந்தனர். பின் புதிய வாக்காளர் சேர்க்கை, திருத்தம், நீக்கம் செய்ய விண்ணப்பித்தனர். புதியபட்டியலை கலெக்டர் காமராஜ் நேற்று வெளியிட்டார். அவர் கூறியதாவது: மதுரை மாவட்டத்தில் பட்டதாரிகள் 51 ஆயிரத்து 164 பேர் உள்ளனர். (ஆண்கள்- 30,395, பெண்கள்- 20,769) ஆசிரியர் தொகுதியில் 6400 பேர் உள்ளனர். (ஆண்கள் 2749, பெண்கள் 3651).மேலவை தொகுதியின் மாவட்ட உள்ளாட்சி அமைப்பு தொகுதி வாக்காளர் பட்டியலும் வெளியிடப்பட்டது. இதில் லோக்சபா, சட்டசபை, மாநகராட்சி, நகராட்சி, பேரூராட்சி, மாவட்ட பஞ்சாயத்து, பஞ்.,யூனியன் உறுப்பினர்கள் 659 பேர் உள்ளனர். இதில் தகுதியுள்ளோரை சேர்க்க, திருத்தம் செய்ய (சேர்க்கை- படிவம் எண்- 17, திருத்தம்- படிவம்8) ஜன. 27ம் தேதிக்குள் டி.ஆர்.ஓ.,விடம் விண்ணப்பிக்க வேண்டும். பட்டதாரி, ஆசிரியர் தொகுதிக்கான இறுதி வாக்காளர் பட்டியல் டி.ஆர்.ஓ., மாநகராட்சி உதவி கமிஷனர், தாலுகாக்களில் வெளியிடப்படும். உள்ளாட்சி அமைப்பு தொகுதிக்கான வாக்காளர் பட்டியல் டி.ஆர்.ஓ., மாநகராட்சி, பேரூராட்சி, ஊராட்சி ஒன்றிய அலுவலகங்களில் வெளியிடப்படும் என்றார்.மேலும் அவர் கூறியதாவது:சட்டசபை தேர்தலுக்கு மதுரை மாவட்டத்தில் ஓட்டும் எண்ணுவதற்காக, நாகமலை புதுக்கோட்டை வெள்ளைச்சாமி நாடார் கல்லூரி, தமிழ்நாடு பாலிடெக்னிக், மருத்துவ கல்லூரி தேர்வு செய்யப்பட்டுள்ளன. வெள்ளைச்சாமி நாடார் கல்லூரியில் சோழ
வந்தான், உசிலம்பட்டி தொகுதி, பாலிடெக்னிக்கில் திருமங்கலம், திருப்பரங்குன்றம் தொகுதிகள், மற்ற ஆறு தொகுதிகள் மருத்துவ கல்லூரியிலும் வைத்து எண்ணப்படும். இதுகுறித்து தேர்தல் கமிஷன் ஒப்புதலுக்கு அனுப்பப்பட்டுள்ளது, என்றார்.


courtesy : http://www.dinamalar.com/district_detail.asp?id=170677

Service Road Scam

ஆக்கிரமிப்பில் சர்வீஸ் ரோடுகள் மாநகராட்சி எச்சரிக்கை

மதுரை:""மதுரையில் சர்வீஸ் ரோடுகள், தெருக்களின் சாலைகளை ஆக்கிரமிப்பு செய்பவர் மீது கடும் நடவடிக்கை எடுக்கப்படும். போலீஸ் மூலம் வாகனங்கள் பறிமுதல் செய்யப் படும்,'' என, மாநகராட்சி கமிஷனர் செபாஸ்டின் எச்சரிக்கை செய்துள்ளார்.மதுரை காளவாசல் - பழங்காநத்தம் பைபாஸ் ரோட்டின் இருபுறமும் பல கோடி ரூபாய் மதிப்பில் சர்வீஸ் ரோடுகள் அமைக்கப்பட்டன. இவற்றை பயன்படுத்த முடியாதபடி வாகனங்களை நிறுத்துகின்றனர். சர்வீஸ் ரோடு பகுதியில் தனியார் விற்பனை ÷ஷாரூம்கள் உள்ளன. இங்கு வருபவர்கள், சர்வீஸ் ரோட்டில் வாகனங்களை நிறுத்துகின்றனர். இடப்பற்றாக்குறை ஏற்படும்போது, பைபாஸ் ரோட்டிலேயே நிறுத்துவதை வழக்கமாக கொண்டுள்ளனர்.நரிமேடு சத்தியமூர்த்தி தெரு, செல்லூர் பகுதிகளில் சிமென்ட் கலவை வாகனங்களை வரிசையாக நிறுத்தி சாலையை ஆக்கிரமிப்பு செய்துள்ளனர். இதனால் காலை, மாலையில் பள்ளி செல்லும் வாகனங்கள் சாலையை கடக்க முடியாமல் நெரிசலில் சிக்குவது வழக்கமாக உள்ளது. மாநகராட்சி எல்லைக்குள் பல கோடி ரூபாய் மதிப்பில் மழைநீர் கால்வாய்கள் கட்டும் பணி, 33 கோடி ரூபாய் மதிப்பில் தார்சாலை அமைக்கும் பணி நடக்கிறது. இப்பணிக்காக வரவழைக்கப்பட்ட நூற்றுக்கணக்கான இயந்திரங்களை சர்வீஸ் ரோடுகள், நரிமேடு, செல்லூர் உள்ளிட்ட ஜனநெருக்கடி மிகுந்த தெருக்களில் நிறுத்துவதால் போக்குவரத்து நெரிசல் ஏற்படுகிறது. மாநகராட்சி கமிஷனர் செபாஸ்டின் கூறும்போது, ""சர்வீஸ் ரோடுகள், தெருக்களின் சாலைகளை ஆக்கிரமிப்பு செய்வோர் மீது கடும் நடவடிக்கை எடுக்கப்படும். போலீசார் மூலம் வாகனங்கள் பறிமுதல் செய்யப்படும்,'' என, எச்சரிக்கை விடுத்துள்ளார்.

Courtesy :http://www.dinamalar.com/district_detail.asp?id=169871
---------------------------------------------------------------------------------------------------------

மதுரையில் குறைந்தது மணல் விலை : ஒரு லோடு ரூ.5000

மதுரை : மதுரையில் கடந்த வாரம் மணல் லாரி உரிமையாளர்கள் வேலைநிறுத்தத்தால், ஒரு லோடு(10 டன்) 10 ஆயிரம் ரூபாய் வரை உயர்ந்தது. தற்போது பாதிக்கு பாதி குறைந்துள்ளதால், அரைகுறையாக நின்ற கட்டுமான பணிகள் தீவிரமடைந்துள்ளன. மதுரைக்கு அருகில் உள்ள தூதை மற்றும் ராமநாதபுரம் மாவட்டம் பரமக்குடி அருகே கமுதக்குடியில் இருந்து மணல் அள்ளப்படுகிறது. ஒரு லோடு மணலை ரூ.1700க்கு எடுத்துக் கொண்டு வரும் லாரி உரிமையாளர்கள், போக்குவரத்து செலவு லோடுமேன் கூலி, டிரைவர் படி என 4 ஆயிரம் ரூபாய்க்கு விற்றனர். இந்நிலையில், ஆற்றில் மணல் அள்ளுவதற்கு கோர்ட் விதித்த சில கட்டுப்பாடுகளை எதிர்த்து கடந்த வாரம் காலவரையற்ற வேலைநிறுத்தத்தில் ஈடுபட்டதால் ஒரு லோடு 10 ஆயிரம் ரூபாய் வரை விற்கப்பட்டது. பின், வேலைநிறுத்தம் விலக்கி கொள்ளப்பட்டதை தொடர்ந்து, தற்போது நகர் பகுதியில் 5 ஆயிரம் ரூபாய்க்கு விற்கப்படுகிறது. புறநகர் பகுதியில் கூடுதலாக 500 ரூபாய்க்கு விற்கப்படுவதாக, மதுரை மணல் லாரி உரிமையாளர் சங்கத் தலைவர் ரவிராஜன் கூறினார்.
செங்கல், இரும்பு, சிமென்ட் என கட்டுமான பொருட்களின் விலை கடுமையாக உயர்ந்த நிலையில் மணல் விலையும் உயர்ந்ததால், கட்டடம், வீடு கட்டும் பணி பாதிக்கப்பட்டது. தற்போது மணல் விலை குறைந்துள்ளதால், கட்டுமான பணிகள் மீண்டும் தீவிரமடைந்துள்ளன.


Courtesy :http://www.dinamalar.com/district_detail.asp?id=168279

Honey Doing Well

Honeywell Tech gets 4.5 acres land in Madurai IT SEZ Park!

Bangalore based IT company, Honeywell Technology Solutions, has been allotted 4.5 acres of land in the upcoming IT-SEZ Park at Illandhikulam village near Madurai on lease by state-owned Electronic Corporation of Tamil Nadu (ELCOT).

The 99 year lease deed was signed today between Honeywell Technology Solutions Lab and ELCOT, an official release said.Honeywell is slated to commence their construction activities after obtaining the necessary approvals, it said.

ELCOT is developing the IT-SEZ Park in an area of 28.91 acre at an investment of close to Rs 32 crore. Besides, ELCOT has constructed an IT building in the IT SEZ at an estimated cost of Rs 16 crore.


 Courtesy : http://madurai-news.blogspot.com/